ابوذیّات خیول الغایرات
یدار العز سمعتی ابعزم یوله
النهب خیرچ تصیر اعلیه یوله
اسباع امحزّمه بالمحن یوله
او نروی اضماچ بدموم الوفیّه
...
سفیر الحب ختمته ابشعر نجده
سفیر اللیل تابع ذهب نجده
رنین العاشقین انضاف نجده
سبع تشهر مضن ما لفن لیّه
...
امین او صادق ابکتبی ونامن
علی الحق بس بعد بیمن و نامن
السبب شنهی انخفن عابن و نامن
السجنهن ذاک ابو اعمال الردیّه
...
الیعلّی ابزوده بخته من حرمته
الیذل واسباب ذلته من حرمته
ابو الباطل حرگته من حرمته
یود ایصول و ایجول ابخفیّه
...
محال اترک طریقک وانت داری
ولا امل امن اشوفک وانت داری
یطب گلبی ابجمالک وانت داری
اخذنی اویاک و انت الروح الیّه
...
الف یوم انتهه او لتزید بالعید
الگلب یهواک من ابعید بالعید
ارید اویاک احط الاید بالعید
ابمودّه او شوگ خل نفرح سویّه
...
جمالک بدر و اعیونی ترابی
او گلبک ما خله ابذکری ترابی
حدّی اویاک لو هالوا ترابی
واحس جنّه الگبر لو تمر بیّه
...
شطم شدفن ابسرّک ونتباحث
علم عندک ابشوگی ونتباحث
یریت اگدر اشوفک ونتباحث
وابیّن لک عذاب المر علیّه
...
کتلنی الیزهد ابشوفه یمرنی
او شعل نیرانه ابگلبی یمرنی
امن اذکره اتعذّب ابشوگه یمرنی
احتصر و اختنگ بس الطم بدیّه
...
حبنه اویاک دردش من یهلنه
او عساها اببخت کلمن من یهلنه
تجی و اتعیش یمنه من یهلنه
متی او یا یوم بان الشیب بیّه
...
موّحد تدعی نفسک ونتشارک
واحس ضیمک لچمنی ونتشارک
عساک ابنار گلبی ونتشارک
او تشوف اشگد حمل هجرک علیّه
...
حبّک خلخل افکاری ومربیک
او اظن ما تقبل اتکلّم ومربیک
گل لی وین ازورنک ومربیک
او عساها الشوفه تبگه اوداع الیّه
...
تمرمرنی او تفر وانکسر بالوات
علی نازل یخل موبلا بالوات
اذا حبّک گطف بالشات بالوات
انسانی او روح بس لا تمر بیّه
...
انزرع حبّی ابّطن گلبک وسربیک
او قطار الشوگی احسبنّک وسربیک
اطلبت منّک ردت شوفک وسربیک
ابربّی انساک اذا مترد علیّه
...
اسکتت ما جاوبت حاشا وعدلک
او بعد لتضن اباریلک وعدلک
انکرتنی او شفت لوعاتک وعدلک
اذا قاضی اصبحت شیصیر بیّه
...
الحد من یا زمن عتنی وعت بیک
تزامطنی ابرده احفادی وعت بیک
ابصباح او مسه واعیونی وعت بیک
اعلی ظهری اهموم و انت ازداده الیّه
...
اعلی ظهری المای و ابجودی وعتنی
اببراری اخیول حادتنی وعتنی
لزمنی الما رحم حالی وعتنی
ابصبخ و ابشوک وابهم یجر بیّه
...
ظلام او تظلم ابشورک ونارک
خلص عمری انتهه ابجورک ونارک
انتهیت ابضل سهر طورک ونارک
بعد شترید تابعنی اباذیّه
جاسم ثعلبی (الحسّانی) 26/04/1400
:: برچسب‌ها:
ابوذیّات خیول الغایرات ,
:: بازدید از این مطلب : 1036
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
